اطفال كنا نحمل الشنطة ونروح

اطفال كنا نحمل الشنطه على الظهر ونروح
ونبوس ماما قبل نمشي فالصبح ومتعودين,,
صغار نلعب مع بعضنا كل دنيانا مزوح
نسمع برآءه ضحكنا ..نمرح نفرفش..ممتعين,,
نعيش وآقع (هايدي) اللألب وثلوج السفوح
بالكون شلنا هم (بيتر) لانتهت متزاعلين,,
فجأه كبرنا وابتداء قلب العنا ينزف جروح
بالأمس ذكرى الابتدائي ..يوه تركض هالسنين,,
ماعادت الشنطه حمل!! الهم يبني له صروح
الحين.. صرنا نسمع لضحكاتنا صوت حزين,,
بالأمس ودعنا لمدارس كلن بكفه يلوح
والحين شوفونا على وجه التخرج مقبلين..
تكفون قولولي ترى حتى الشعر عيا يبوح
تكفون انا وشلون اودع بالعمر احلى السنين,,
دمي نزف في خافقي من طاري الفرقا يفوح
هذي ترى اخر سنه انتم معي مستوعبين,,
وشلون اودع هالدفاتر والكتب توديع روح
وشلون اودع صحبتي وفراقهم يدمي الجبين,,
وشلون نرحل نتركه مكان جمعتنا ينوح
نطعن مكانا ضمنا ماقصر بحب وحنين,,
وشلون اقول لصفي في دنيته كلا يروح
وشلون اودع ها الكراسي يآآه ياربي تعين,,
رغم المدامع والحزن في داخلي مهره جموح
تقول شكرآ يازمن آهديتينا جرح وانين,,
لان الفراق اصبح قدر يوم ينكتب في وسط لوح
دعوات قلبي نلتقي بجنان رب العالمين
ومني لكم كل العذر واطلب براءتكم سموح
وان كان بالدنيا طهر انتم نهر للطاهرين

قصيدة روعه

لاشك ان ايام الطفوله ايام لا تنسى ولا تماثلة من ايام

فاتذكر قول الشاعر حين يقول ياليت الشباب يعود يوما فاخبره بما فعل المشيب

اشكرك على القصيدة الحلوة وكل عام وانتم بالف خير

شكراً على المرور الذي زاد من تألق صفحتي
دمتم بحفظ الرحمن