طريقة عمل البيتزا

طبعا البيتزا إلها طرق كتيرة و كل واحد إله طريقته

المهم هاي طريقة جديدة لقيتها و جربتها و عجبتني كتير و بتمنى إنها تعجبكم

المهم نفوت ب


مقادير العجينة

أولا المقادير الجافة :

6 أكواب طحين ، معلقتين كبار خميرة فورية ، معلقتين كبار سكر ، معلقة كبيرة بيكنج باودر ، ذرة ملح .

و هي صورة المكونات بس معلش من غير الخميرة سامحوني هالمرة





نيجي للمكونات السائلة :

علبتين
زبادي أو ( شمينت ) ، كاسة حليب سائل ، بيالتين زيت ذرة ، بياض بيضتين
طبعا بتعرفو تفصلو البياض عن الصفار و لا كيف قولولي إذا بتعرفوش


و هي صورة المكونات السائلة طبعا يظهر أمامكم بيالة زيت وحدة برضو احسبوا انها بيالتين








في
وعاء بنخلط المكونات الجافة مع بعض بعدين بنخلط كل المكونات السائلة
بالخلاط عشان ينمزجو مع بعض منيح و بنديرهم على المكونات الجافة و بنعجنهم
منيح و بنترك العجينة لمدة ساعة عشان تخمر

هلقيت الحشوة تتكون من :

فلفل
رومي مقطع أصابع بس أصابع زغيرة ، بصل جوانح ، فطر شرائح ، زيتون شرائح
أخضر و أسود ، جبنة بارميزان ( و اللي ما عندو بارميزان مش ضروري هادا كله
من تأليفي لأني نفسي تطلع زي بيتزاهت ) ، جبنة موزاريلا ، و برجر لحم ( جربوه سدئوني لزيز بيطلع زي بيتزاهت برضو
) ، و صلصة بيتزا ( أنا استعملت الصلصة الجاهزة تاعت البيتزا اللي هيا
المعلبة ) بس أنا ما بستعملها مباشرة ايش بعمل بفرم بصلة ناعم كتير و
بقلبها بشوية زيت زيتون لحتى تدبل بعدين بحط علبة الصلصة و بحط أوريجانو و
فلفل أسود و بخليها تبرد بعدين بستعملها للبيتزا

و هي صورة مكونات الحشوة





هلقيت نيجي للتطبيق

بناخد شوية من العجينة و بنفردها في الصينية و بندهن عليها شوية من صلصة البيتزا و رشة جبنة بارميزان





بعدين بنوزع الحشوة عليها هيك




بعدين الجبنة الموزاريلا





بعدين بنخبزها بفرن حامي لمدة تقريبا عشر دقايق بعدين بنحمر الوجه بالشواية عشان تتحمر الجبنة بعدين بنقطعها بهالشكل



بالعافية